ورقة قديمة

رجم تعاقب به وحوش القرانيس
ديارنا يوم الليالي جدادي
واليوم جيته والليالي مراميس
يا دار وين معيلين الطرادي
أهل الرباع محرقين المحاميس
علمي بهم يوم المراكب تقادي
اقفوا على رخم الجموع المراديس
يا ذيب يا اللي ما بليلك سوادي
سر بالضباع وودها للمتاريس
بصيفية تاخذ عليها عيادي
تلقا بهم كل الدروع الملابيس
انحوا عليه مير دنوا مرادي
حمرا فتاتيره قصار متاريس
من كثر ما مسوا عليها الشدادي
عرندسة وجلا وشيبة نسانيس
وأنا أذكر الله يوم تمرس تشادي
تشدي ظليم سابق الدحو طلميس
ملفاك بيت للطراقي ينادي
أخو هوى زبن القحاما المراديس
يا صافي الأعماق صافي الهنادي
مودع غشيم الفكر يرجع عن الفيس
رميح الخميشي