المؤمن اللي بالوفا سارت خطاه

مرثية في أخي صاحب السمو الأمير سلطان بن فيصل بن تركي آل سعود تغمده الله بواسع رحمته وأسكنه فسيح جناته

يا الله يا رب الملا عالي الشان
يا الواحد اللي كان خلقه رعاياه
أطلبك يا رب الفضايل والاحسان
يا واحدٍ كل الخلايق ترجاه
أنك تقبل طيب القلب سلطان
وبالجنة الخضراء تخصه وتجزاه
وأنك تبيحه عد همال الأمزان
المؤمن اللي بالوفا سارت خطاه
وتجبر عزاء يا خالقي طير حوران
أبوه فيصل منتهى العز والجاه
يا فارض على الملا خمس الأركان
تقبل دعانا اللي بموته دعيناه
والموت سنة مؤمنين به ايمان
ما قدر الله كان ما به مراواه
سلطان يا خالد عليه القدر حان
في ساعة لو مكنتنا فديناه
يفدونه الوافين خطلان الأيمان
اللي بدم قلوبها اليوم ترثاه
مرحوم يا للي لابيض الطيب عنوان
الله يوسع منزله عند مولاه
شعر الأمير عبدالعزيز بن سعود بن محمد آل سعود
خالد هو الابن الأكبر لسمو الأمير سلطان بن فيصل بن تركي يرحمه الله