بداية .. ونهاية

اسم جميل في ساحة تحتاج إلى الجمال في الشعر والتعامل.
نحظى منه بالمتابعة والمشاركة .. ومن جديده الجميل هذه الأبيات التي حملت الكثير من الجروح والأكثر من الشعر الجميل.
من لانهاه إيمان قلبه عن الغي
ما قام له لو زاد بالعمر رايه
أي الخلي اللي سلا خاطره واي؟
من له مع اللوعه وأثرها حكايه!!
والجمره اللي بالحشا جرحها حي
ما للعنا في سالفتها نهايه
اللي وجعها طاوي خافقي طي
من وين ما أوجه ورايه ورايه
اضمها بأيدي لو تحرق أيدي
وأحس واهج نارها في حشايه
واصبر عليها لو كوت مهجتي كي
لعل صبري هو نهاية شقايه
ظامي واشوف الما وابي قطرة المي!
واجي واعود من ظماي بظمايه؟
واليا ذكرت أنك عن الشمس لي في
هانت دروبي والتعب يا غلايه!
اصل الحياة بلا وجودك ولا شي
يا منيتي يا غايتي يا هناي
لولاك أنا ما شفت في دنيتي ضي
ولولاك ما لاح الفرح في سمايه
ياللي غلاك وطيبتك ما لها زي
وما للوفا عندك نهايه وغايه
بالله قولي ليه أنا باقي حي
ياللي غلاك بدايتي والنهايه؟