جربتهم

يا كثر ما قضيت وقتي لحالي
مالي نديم الا القلم والقراطيس
لاضاق من كثر الهواجيس بالي
وصارت تواردني هموم وهواجيس
هذا وأنا ما اشكي على الناس حالي
أشكي على مذري هبوب النسانيس
الناس ما فيهم صديق موالي
يفزع ليا ضاقت على المنافيس
الله ولانفعة خبول الرجالي
جربتهم مالي عليهم مناويس
عاداتهم بالناس قيل وقالي
ومن الشهامة والمراجل مفاليس
جنبتهم مالي عليهم مجالي
معاد أبي قرب الرخوم الهداريس
وان يسر المولى عليه وطالي
عمري لبعد عن ديار المناجيس
وابسط فراشي في طويل الظلالي
وابعد بحالي عن حياة الدنافيس
وأقول من بعد الشقا والمحالي
هذلوف ياهاك السنين المعابيس