قلب الصويب

وقف قلب الصويب ومات، مات وما أظنه تاب
تعذر للغلاء واقفى.. وباقي به شويّة حب
وفاته ما هي بدمٍ نزف وإلا بعضّة داب
وفاته يرحمه ربي سبايبها فؤاد الصب
ترك سرب الحمام يترجم احساسه حنين وغاب
يحب ويعشق ويغرق محبه ليه ماله رب
لا جل عين المسافة عانق السرب الغمام وذاب
وقف لامر الهوى تقدير.. والطاعة بذرها حب
كتب آخر حروف العشق، سجل للجحود غياب
نبت عشب وصدق كذب وعلا سرب وتعافى قلب
عرفت ان الهوى حاكم.. وحكمه والجنون انساب
والارض ان ما سقيناها مشاعر بات فيها الجدب
ابد ماهو بجرح اللي اذا سرّه زمانه طاب
وما هي عين ها للي ما تكب من المحاجر كب
وقلبٍ ما غزاه من المحبة ريح ماله باب
وحبٍ ما يجيك من اولك لاخرك ما هو حب