قبل الغروب

جيتني يا غايتي قبل الغروب
في عيونك شوق وحروف و كلام
طلتك مثل النسايم والهبوب
يا ربيعٍ ممتلي عشق وهيام
والشتا يدفى ومن صوتك يذوب
والسوالف تشعل شموع الغرام
من هواك اليوم ما اقدر اتوب
صرت مابين الثريا والغمام
يا خطايا الحب يا احلى الذنوب
يا شعاع النور من عقب الظلام
تهت ما بين الشوارع الدروب
لين ما اقبلت وانهيت الخصام
لو تغيب ايام من عقبك ينوب
وانت فارق بالحلا بين الانام
اهدني قلبك وابهدي لك قلوب
تستحق الحب يا عالي المقام
حان وقت الليل من عقب الغروب
واستريح اليوم في قلبي ونام