بصمة ناعمة

غلطتك يالعيد جبته لين لاقاني
في مجلس مزدحم والعود له خنه
قام وتنهض من المركا وحياني
واحترت بين الغلا والنار والجنة
عجلت بخطاي لين اسرع وناداني
وحار القدم والعيون السود شافنه
سلم بكفه علي وقال ولهاني
وكل المشاعر تهاوت لين وصلنه
كنت احسب انه مع المدة تناساني
حسبي عليها ليال العيد ردنه
وحضن صغيري على صدره ومن شاني
وانا اتدارى ولا ابغى الناس تفطنه
ماخان بالعهد والميثاق ماخاني
وانا يديني حبال الوصل فكنه
يالوعة القلب يوم اقفى وخلاني
تكفن يافاعلات الخير عيدنه
ابشتكي له جروح القلب من ثاني
وابعتذر له عن الحسرات والونة
خلاص يكفي من اللوعات ماجاني
ويكفي عيوني ثمان سنين يبكنه