مايخيب رجاتك

يا اللي على الدنيا شبوحك بعيدة
وتعيش وقتك ماحسبت للماتك
ما تدري ان العمر يقضي رصيدة
وترحل عن الدنيا وتترك حياتك
واخير مايبقالك واتستفيده
طاعة وليك مكسبك هي غناتك
لاقفيت عن دنياك تبقى فقيدة
لاصار بفعالك علت منجزاتك
طيبك ومعروفك وفعلن تجيده
هي مكسبك وايضا بعد في وفاتك
والعمر لو ساعات وقته مديدة
كان البشر محدن تفيده وصاتك
لكن للمخلوق موتن يبيده
ويسكن بقبر وانت تعلم بذاتك
امسك طريق الحق يا اللي تريده
واترك طريق مايليق بصفاتك
وخلك على الدنيا فعولك سديدة
إن كان تبغى النعم دوم ابسماتك
حتى تعيش ونظرتك للفريدة
وان مت ربك مايخيب رجاتك
نواف بن محمد الصخابرة