سليمان المانع

شاعر وأكثر من صورة

ناديت ما رد المنادي واناجيت
أقول لك رد الندا للمنادي
عانيت حتى قالوا الناس عانيت
وصبرت في بلواي صبر المهادي
***
كذبة شاعر
أحلى الأماني هي اللي ما نحققها
وأسوأ خطا اللي نموت ولا نواخذ به
كذبه كبيرة وانا مضطر اصدقها
دام اجمل العمر للشاعر هو الكذبه
***
سلوة
اشعر على رغم التفاف المحبين
حولي بأني ياعذابي لحالي
هم يحسبوني سالي ما اعرف شين
والله لا داله ولا نيب سالي
***
رسم
ما هي جميلة, ولكن بنت مهضومة
أحلى الجميلات تتمنى وصايفها
لو تستر السحر متبري من هدومة
باسلوبها العذب وبعضة شفايفها