بصمة ناعمة

قال غبتِ واحتجزك الصمت الاسود خلف بابه
كل ما صرخ تصرخ الديره على صوت المنادي
كن ذاك الحي من غبتِ غدا للحزن غابه
كل شي به تغير وانتكس حتى المبادي
البشر والارض والاشجار والغيم وسحابه
كلهم مثلي يحرثون المدى عن شي غادي
غيبتك هزت غصون الصمت وأقواس الربابة
كل حزن سال من غيبتك حط الصدر وادي
قلت والحسرة تصب الصوت في كوب الاجابه
والله اني فوق حزني صابره صبر المهادي
لا تلوم اللي غدا مستقبله سبة عذابه
يا حبيبي يكفي انك صرت في نبضة فؤادي
كل ليل استانس الاشعار وأوراق الصبابه
وأعجز أجسد معاناتي معك ما انته بعادي
انت الاول والاخير وغير لا تحسب حسابه
لو يطول البعد ابا أرجع بس خل الوضع هادي
الواثقة