موج البحر

لاتردد وتيارك عنادي
خل موج البحر يصفق بشده
لايقولون هذا البحر هادي
من تحداك.. في موجك تحده
علّمه بالإصول وبالمبادي
لين الأيام تاقف مستعده
جاهزة للصباح وللهجادي
وان وقف لك بعلم ماتوده
لاتقف عنه مكتوف الايادي
لو يكون القمر.. براق خده
خل منهجك مثل النور بادي
لاجل كل السنين المستبدة
تحسب حساب للسبع الشدادي
لاتجاريه في مزحه وجده
صون كف البياض عن السوادي
عزة النفس عندي مستمده
من طبيعة حياتي يا مرادي
كل منا يوقف عند حده
حل يرضيك ويريح فؤادي
لاتثير الجروح المستجده
خلني أعيش لي في جو هادي
كيف تشره على من باح سده
طعنة الغدر بسيوف حدادي
يشحذ النوم في كم المخدة
والكرى عن جفون العين غادي
قول للي سلب عقلك يرده
لاتمادي يضيّعك التمادي
كان فرقاك.. شيٍ.. ما نوده
واضحت اليوم عندي شي عادي
الشاعر/ حماد بن حمدي المطرفي