شوفتك يوم عيد

يا حبيبي أنت عندي كل شي
هاجسي عندك ولكنك بعيد
حس بي عطني حنانك لو شوي
ليمتى ونتا كذا طبعك عنيد
لا يهمك من حكى خله علي
وخلنا نهتم بالشي المفيد
يا حياتي هنني ما دمت حي
فيك أنا لومت يالغالي شهيد
فيك من شكل القمر لمحه وضي
وفيك من ريح الزهد عطرٍ جديد
وفيك من غصن الشجر نسمه وفي
وفيك من صوت النغم عزف فريد
تشبه أحيان السراب بدون ري
وتشبه امواج البحر والا تزيد
كل شي يفداك أطلب اي شي
شوفتك عندي تراها يوم عيد
علي الدويسان