من الذاكرة

إكفخ بجنحان السعد لاتدرّا
فالعمر ما ياقاه كثر المداري
ما في يد المخلوق نفعٍ وضرّا
ما قدر الباري على العبد جاري
الامام تركي بن عبدالله بن سعود****
كم واحدٍ يمشي مع الناس مهذال
يرعى سواة العاذره من بقرها
لاشاحنه علمٍ ولا وارده حال
ولا يميز وردها من صدرها
تركي بن حميد****
أطرّد الحذرات في بندقٍ لي
ولا نيب سالي عن حلي العنودي
أضحك مع الخفرات كوده يسلّي
وكثر الحكي يفضح ولا منه زودي
ساكر الخمشي****
حث المطايا وشرّقها وغرّبها
واقطع بها كل فجٍ دارسٍ خالي
واطعن نحور الفيافي مع ترايبها
وابعد عن الهم تمسي خالي البالي