بدون ناس

ارض الأحلام ...وأشجار الأماني يباس
وأنت ظالم...ولكني «أحبك» كثير
واضح إني خسرتك للأبد...وأنت حاسّ
خلك أقوى حبيبي...واعترف بالمصير
رحت...يوم ارتوت فيني عروق الحماس
مثل من يأخذ اللقمه من فمْ الفقير
قلت أبنساك يمكن إن المسافة تقاس
لين ذاك الزمان اللي مضى والأخير
صاحبي ما رضيت أنساك من قو باس
يوم بنساك كنت أبغى يموت الضمير
عندي إحساس...وشويّة رجاوي وياس
وما بغيت أزعجك...ما دام وقتك قصير
الغرابيل تلحقني...وأنا بدون ناس
عفت ناسي عشان أبقى بعينك كبير
بس كان تبي فرقا مثل ما أنت حاسّ
خل ليل الخبر يذكر همومي بخير