مأجور ياطير المحاني ولا باس لو إنهدم صرحك وراحت حبيبه ياقلب هي وقفت على ضيق الأنفاس وإلا غرابيل الحياة العجيبة مكتوب لك عيش المتاهة والأتعاس مصيبةٍ تقفي وتلفي مصيبه عشت الزمن وأقوى مجاديفك اليأس عشت الزمن ولا انكتب تهتني به صدقت واهداك العجايب والإفلاس وياما من عروقك دفعت الضريبه من الزمن ياكم تجرعت من كاس هم وشقى وجروح صحبة وريبه ياكم وفيت لناس ماهم من الناس مديت طيب وجازوا الطيب خيبه وياكم دمحت من الخطايا على أساس الفوز في بعض المواقف غليبه وياكم سهرت الليل ضيقة وهوجاس وضاقت بك الدنيا ولو هي رحيبه واليوم موت الحب لك دق الاجراس ماهي غريبه اييه ماهي غريبه من كم يوم ووضع الأحباب منحاس ونبضك توديه الهجوس وتجيبه كنك تحس بشي مربك والأحساس بالحب هو عين الخفوق وصحيبه ما أخطيت لا والله بذلت وبلا قياس وغابت وذي ياقلب ماهيب غيبه هذا الفراق ودام بأرض الغلا داس راحت محل من عقب ماهي خصيبه لكن وش الحيلة ولو أضرب أخماس دام القضا ماضي بشره وطيبه أصبر على قسمك بشيمه ونوماس وكلن بياخذ ياخفوقي نصيبه مات الشجر واقف ولاهنت والراس شامخ وله عز ومكانه وهيبه شاعر سعودي
