بوح

عش الحياة برغبتك ومباديك
عش منغلق منفتح لا تعاني
اللي يحبك كيف ماكنت بيجيك
وإن جاك منت بحاجة لشخص ثاني
ياسر التويجري
ماكان حبك غير بس طعنتك غير
علمتني معنى الندم والندامه
ماجاك مني أي زله وتقصير
كل ماخطيت أعاتبك بابتسامه
محمد السهلي
يحق لك تعتب علي وتشره
مع إني أدمح زلتك ما تشرهت
لأني أدري لو تشرهت مره
عليك تكبر شرهتي ما تنبهت
محمد الحويماني
تبيعني فسوق الغياب وحراجه
وأنا خسرت العمر حتى شريتك
ضحيت لكن تضحياتي سذاجه
وأنا أحسب إني فالغرام اهتنيتك
حمد البريدي