قلبك تغيّر

عمري أبد في دنيتي ماتصوّرت
أن الوفاء ماعاد له أي قيمه
ياللي نسيت الحب مدري تنكّرت !
ترى الجفا فالحب مثل الجريمه
قلبك تغير وأنت مثله تغيّرت
ذبحت فرحة في حياتي يتيمه
مادامك أصلاً فالعلاقه تكبّرت !
ياصاحبي نيتك ماهي سليمه
ياما نصحتك ياحبيبي وحذّرت
الكبر دايم له عواقب وخيمه
تطعن وأنا صابر ولا قد تذمّرت
لي نفس في بعض المواقف حليمه
معقولة يعني ماطرالك وفكّرت !
أني حسبت حساب عشرة قديمه !!
تدري من اللي من سببهم تدهوّرت ؟؟
أهل الحسد والكذب وأهل النميمه
صدقتهم في كذبهم ماتذكّرت !!
مواقفي والتضحيات العظيمه
على الأقل لو جيت مني تعذّرت
يمكني أدمح زلتك والظليمه
من ينفعك ياصاحبي لو تهوّرت ؟
ماظن عندك للمواجه عزيمه
وقت ٍ مضى لامن طرالي تكدّرت
باسباب ذكرى فالمواجع أليمه
غلبتني وأنا ترى ماتعثّرت
مافاز من لاذاق طعم الهزيمه
وأن كانها بالصد لا ماتحسّرت
ترى الجفا فالحب ماهو غنيمه