صباحك سكر

ياشرفة أوجاعي تراه اظلم الحي
والناس نامت والحيارى سهارى
كم لي وأنا بَوْسَطْك وأداعب الميْ
وارسم عليه حروف طهرٍ بكارى
محتاجة أكثر أتنفس من شوي
ضيقات صدري كلّبوها تبارى
ياشرفتي والليل من طبعه الكي
مبطي يحب الليل دمع العذارى
مبطي وهو يهتك من جروحهم لي
ستر المحاجر والمدامع غيارى
ثكلى دموعي والمشاعر تبي ضي
وحروف شعري بالدفاتر حيارى
تعبت اسقّي بذرة الحلم بيدي
برشاش صبري والأماني قفارا
موجوعة ايامي ولا في يدي شي
لأوجاعي اللي بالمحاني توارى
ما قلتلك ذا الليل من طبعه الكي
شوفي دموعي كيف قامت تبارى