عاجبك يعني ...!

ما بي سوى شي واحد منك يالغالي
ما تدري إني أضيق وينشغل بالي
ومن كثر ما شوف طيفك دايم قبالي
ما عاد باقي رسالة وسط جوالي
أشتاق لك وأنت ما تشتاق لوصالي
جرّب ولو يوم وأسألني عن احوالي
شف كيف ابفرح وأبقهر كل عذالي
يا كثر ما شلت هم غيابك لحالي
قلبي من العام لا داله ولا سالي
معقول ما لي مكان ف قلبك الخالي
وأنا اللي أذكرك في حلّي وترحالي
ولا عاد باقي رسالة وسط جوالي
أرسل رسالة وطمنّي عن أحوالك
لا غبت عني زمن أو غاب مرسالك
ومن كثر ما ني أحبك وأعشق وصالك :
إلا هي الحين موجودة في جوالك
عاجبك يعني يموت الحب بإهمالك
حتى ولو كنت أنا ما جيت في بالك
شف كيف يحيي سؤالك عاشقاً هالك
شل هم خفّاق شال همومك وشالك
صبحه أبد ما فرق عن ليله الحالك
والنوم يحرم لعيني وأنت يهنالك ؟
وانا اللي أشعل شموعي وآتحرى لك
إلا هي الحين موجودة في جوالك