غربال الفراق

مضى.. فوق السنه.. ما شفت لمحة وجهك الجذاب
ولا سمعت.. نغمة صوتك.. اللي تنعش آمالي
إن كانه هان هاك الحب.. وهانت عشرة الأحباب
تذكر أجمل أيام وليالي.. حبي الجالي
ترى حالي على خبرك.. قلق وارهاق واكتئاب
وجاني زود.. غربال الفراق.. وزاد غربالي
إلى جاء الليل جتني.. الهموم الهاضله.. أسراب
وعلعتني لين أوحي.. اذ ان المذن التالي
جداي أهوجس بصدك.. وأطمن قلبي المرتاب
وأسايس خاطر ما هوب داله ولا سالي
متى ودك تداوي.. بالوصال.. العاشق المنصاب
متى تعيد أغلى أمنيات العمر.. يالغالي
دخيلك.. لا تخلي بيني وبينك.. ذرى وحجاب
تراك.. أهلكتني.. في هالحواجز.. يا بعد حالي
محمد الحميدان