الحقيقة - "دبوج ... وشهبندر التجار"!

وش أخبار الهلاليين وصفقة القحطاني؟ وكم دفعوا حتى الآن من الصفقة اللي كانت"تحدي"بالدرجة الأولى للاتحاديين ورئيسهم، والمستفيد بالتأكيد اللاعب والقادسية بعد أن ظهر"شهبندر التجار"بصور مختلفة وشخصيات متعددة من أجل رفع السعر... ولا أنسى"دبوج"مدير أعمال القحطاني وشريك النجم والكابتن الكبير اللي كان يعتبر"مع الخيل يا شقرا"وهات يا صور!
تصدقون إني صرت أفوت!"ودردبت"خارج الموضوع الرئيسي اللي هو بروز العنبر كنجم كبير قادم للساحة أتوقع أن يكون أهم مهاجم سعودي ويسحب الأضواء من ياسر.
وصدقوني... الهلال استعجلوا، ولو وفروا ال22 مليوناً وتركوا العناد واهتموا بالعنبر والصويلح كان"أصرف".
ردود
- الأخ رامي... وصلني بريدك الإلكتروني وما ادري ليش خايف إني أتغير. صدقني أنا شخص صريح وواضح، وإذا شفت الغلط أقول عليه غلط، سواءً كان الفريق اللي تقصده، أو الفريق اللي واضح إنك تشجعه.
- الأخ المكرمي... برضه وصلني بريدك الإلكتروني. انت تعتقد إنه فيه صحافيين من فئة"الديناصورات"وهذي وجهة نظرك. أنا ما ودّي أردّ عليك، بس أسالك:"انت شفت فيلم الحديقة الجوراسية؟".
ابن البلد
iabalad@maktoob.com