الحقيقة - طارت

هالدورة اللي قال عنها كالديرون إنها هامشية جابته على راسه... وطيرت عليه حضور قرعة المونديال...
الرجال كان حاجز"أوكي"ومسنع أموره بيقابل بلاتيني ويسولف معه... بس عاد هالدورة"التي لا قيمة لها"قالت بالسفرة وطي.
تبون عاد الصراحة أنا ما قدرت أبلع الهزايم من العراق... والله يا جماعة ما تنبلع.. أجل ناكل في مباراتين سبعة أهداف..
طيب هذا بالمنتخب الرديف ومع العراق.. أجل شلون تكون النتائج لما نلعب بالاساسي قدام البرازيل أو المانيا أو هولندا... ياساتر..
أحس ان السالفة يبغالها خيال علمي عشان أقدر أتصور.. عموماً، هذولا لاعبينا وهذا منتخبنا وهذا مشروبي ? آسف لخبطني الاعلان اللي بالتلفزيون ? وهذي مشاركتنا..
انا تدرون وش اللي معور قلبي... إن سورية فازت.. وإننا بنلعب على المركز الثالث قدام إيران... أووووه... رجعنا للخيال العلمي.. الله يستر بس..
ابن البلد
iabalad@maktoob.com