الحقيقة - أبو ستة !

شفتوا الشباب وش سوى بالقادسية"ساد"قابلوني إن فهمتوا معنى الكلمة إلا القديمين من أهل الرياض... تبون الصراحة... الشباب وان كان ادور عليه شي وودي أحشه من فترة لكن صعب تصيده، فريق يجمل ويشتغل صح ويخطط لبعيد وعنده"ريس"يجمل ويدفع.
المهم اني قاعد أمدح أشوي عشان رمضان وقبل ما أقلب على القادسية اللي"فشل"جمهوره واللي يحبونه! صحيح ان فيه فرق كبيرة أكلتها مرتين في آخر موسمين لكن برضها قوية خصوصاً بعد صفقة القحطاني وعبده حكمي ماسووا شي! ولا جابوا لاعبين لا محليين ولا أجانب يعوضون وكل ما سألوا الإدارة قالوا نستثمر ... يا خوفي بكرة يقولون السوق"اندق"وخسرنا ولا - مع احترامي - أجيب أجنبي من لبنان؟!
لو فاتحين مطعم شاورما أو مستشفى ندور أطباء إخواني اللبنانيين جيدين فيها و"كتير امميزين"لكن في الكورة ما في إنجازات.
المهم غيركم صحيح باع لكن استثمر في لاعبين وبطولات أما فريقكم"فآه يا خوفي من آخر المشوار".
ابن البلد
iabalad@maktoob.com