الحقيقة - "خرطي"

قبل كم يوم أقول لكم ما أدري وش قصتي مع رؤساء الأندية والإداريين، واليوم شكلي بعود ثانية لتصريح"الريس"الشاب ورده على إعلان"الريس"الثري بتبرعه لهم. طبعاً التبرع"خرطي"أكيد ويبي"يكيدهم"ويعني تراكم طفارة رغم انهم"لقطوا"لاعب الملايين منه.
لكن وش سالفة مشاري العويران وخلوه يسدده فلوسه أول!؟ بصراحة ما أدري لكن... وركزوا أكيد وراء الأكمة ما وراءها... يا هوه يا أنا على هالمثل الكبير اللي توني سامعه وحلفت أكتبه بأي طريقه!
والحلوه يعود"الريس"الثري ويقول منب راد ونا أحب أداعبه بس! وشلون .. والجماهير؟ ياخي"لخبطتونا معاكم وما عرفنا لكم سالفة يا كبار".
المهم اتركونا من هالرؤساء اللي يخوفون وقشران وشوفوا أول تصريح لمدرب أبها الجديد اللي يوعد بعودة الانتصارات من جديد! أما انت يا كارلوس البرتو بتعدل الوضع! وبعدين وش هالانتصارات اللي تتكلم عنها؟ لا تكون تقصد كأس الأمير فيصل ... ولا الدرجة الأولى!
أقول اثقل يالبطل وخلك هادي وحاول تشتغل زين... وبس.
ابن البلد
iabalad@maktoob.com