عايزينكم حصتنا من ... غدر الزمان

أرضنا طرحت بالخير ألوان
بفضل فلاحنا الشقيان
أقدر أقول باي باي أمريكان
سير يا زمان دور يا زمان
وادينا على المعامل نشوف صبر الإنسان
وادينا على علمائنا درة الأوطان
يا علمائنا جيه وقتكم والعمل حان
عايزين مبيد يقضي على الدبان
وعلاج يشفي من السرطان
عايزين محلول يقضي على الكسلان
ما يخلي بينا إلا النشيط اليقظان
علشان أقول بصوت مليان
باي باي يا أمريكان
والجندي مكانه في الميدان
بدل العصا اللي بتضرب شبان
يحمي بلدنا من كل طمعان
على الحدود فارس على حصان
ما يهيب الموت فدا الأوطان
يخلينا نام في اطمئنان
والتاجر يفتح الدكان
لا يخفي سلعة ولا يغلي أثمان
ويخاف ربه في وزن الميزان
باقي أجمل ما في الميدان
الوردة الجميلة وعود الريحان
أمل المستقبل شبابنا الجدعان
اتسلحوا بالعلم والعلم بحر مليان
عايزين منكم دكتور يداوي العيان
عايزين مدرس يعلم البيان
عايزين عالم مستقبل الأمان
عايزين ضابط يحمي الأوطان
عايزنكم حصتنا من غدر الزمان
ليه منعملش زي اليابان
ونستفيد من تجربة الألمان
من غير مظاهرة تهز الأركان
وخطب ويفط يكتبها فنان
هيخضع لنا الأمريكان
لأننا هنكون قوة لا تستهان
بقوة العمل ووحدة الأديان
جمهورية مصر العربية - محمود عبدالحميد قريش