باب المواصيل

ذعذع لي الغربي وناجاني الليل
كنه بشي بين الاضلاع داري
الليل ضيف اهل الهوا والتعاليل
غير البلا لاجات معه الطواري
أنا ادري ان مافي الليال المقابيل
شيٍ يثمن وقفتي وانتظاري
كن وقفتي قدام باب المواصيل
وقفة فقير عند مصرف تجاري
ماجابني عقب التعب والبهاذيل
إلا الضما لكن عذاري عذاري
تمنعني من الماء وتسقيني الويل
وانا من الحاجه مهو باختياري
ياساري من غير صحبه وقنديل
خذني معك دامك على خير ساري
يدعيك درب من شهر جارحه سيل
خلك على المثناه ولا المباري
وان جاز لك من عزف وجدي مواويل
تعوض الله في غناء الجواري
لاعاد تنشد عن بقايا التفاصيل
حذاري تزيد المواجع حذاري
تراني من العام متوجع حيل
استر حوال الناس وابات عاري
اداري الميزان لاينقص الكيل
ولا تراني دون عمري مداري
ياساري اهل السيف والبن والهيل
تحضروا مع الزمان الحضاري
وحنا نردد قول من قبلنا قيل
كذا كذا على عماها واثاري
مغازي اعراب الجزيره على الخيل
ماهيب شي عند ذات الصواري
شكرا لكل المرجفين المهابيل
هالحين احس بنشتوي وانتصاري
من يرتجي ورا انكساري محاصيل
جعله فدايا طيحتي وانكساري
ترا مراكب مصر ماتزعج النيل
ترسي على الاطراف والنيل جاري
ناصر بن ثويني – شاعر كويتي