صح النور

صفّت جروحي وجت بالدور=وغنّت "نشيد الوجع" بدري
سارع إلى الدمع يا مقهور=واثبت على الجرح لا تجري!
البارحة كلّني مكسور=كلّي تكسّرت ما تدري
لو كنت في رقّتك عصفور=قدرت تكسر "قفص صدري"
كلمه وجتني (تلفّ تدووور)=دارت بي وطحت من كُبري
نسيت؟ولاّ الوفا محظور=قسيت! مانته على خبري
كنت أسهرك وأنت ياأمّور=اتنام كالطفل في حجري
والصبح أصحّيك (صح النور)=وتقول: مانمت يا عمري
كنت آتنفّسك دون شعور=واستحضرك قبل ماتطري
تخطي وانا اقول لك معذور=وآشيل وزرك على ظهري!
واليوم" يالمترف المغرور"=أتقنت وأبدعت في كسري
شكراً على الجرح ياعصفور=والله يجبر كسر صدري