«قصيدة الغي»

والعشق ميثاق النوى والنوايا
لحظه تكرم وإمسك أعصابك شوي
بأبوح لك سر(ن) سكن بالخفايا
طعم الحقيقه يشبه السم والكي
وصدقي يجيلك من صميم الحكايا
سويتها واقفيت والمشكله بي
مهما تسوي ماتفيد السوايا
ولا عاد تسأل مانت اغلا بني خي
اسأل ضلوعي ليه صارت عرايا
علمتني عن عتمة الليل والضي
وبعلمك وشلون جرح البرايا
كنت الصخا واصبحت لك حاتم الطي
وصرت الوفاء واشوف فيك الطنايا
كنت بحياتي شي... واليوم لا شي
واللي بقى لك ذكريات... وهدايا
أعلنت موتك في ضميري وانا حي
مت ودفنتك بين عوج الحنايا
الشاعر: مشاري الضويلي