مراكز الاحساس

شري القلوب إن لوّح الحب هيّن=الموت شري اللي كما داخل الراس
أزريت والدنيا تدين وتديّن=... تجبرني أستعجل بلا فكر ومراس
الحزن يطغى فالعروق ويعيّن=في كل خفقه من لظى الجرح حراس
ماعاد فالدنيا حبيبً حنيّن=الضلع يثلم والبلا سنة الفاس
والونّه اللي من القسا ماتبيّن=الجرح له موطن من الساس للساس
تبي تزين اللي حرام يتزيّن=حرام في جسمه مراكز للإحساس
فدوه لشهمً فالمواجيب صيّن=كريم نفس ولو بلغ حد الافلاس
قاسي وصلد وف أحلك الموت لين=ماله شبيهً يشبهه بين هالناس
ياخذ خفوقي والمشاعر تبيّن=وآخذ عقل كامل من الراس للراس