نفحة أرق

انحنى القلب لكن ماانحنت لي متون
وأمتلى بي جبين الهم شعر وغرق
جيت ابكتب وغرقت بالحروف العيون
وش أبي بالقلم مادام مالي ورق
كن صدر السماء نادا بفك السجون
وسارع الحرف للغيمه يخط وبَرق
ماكتب غير وين أحظا بصدرٍ حنون
دام صبح المواجع فيه نفحة أرق
سيد الحزن وأحفاد السهر يرتبون
من يدينٍ لفحها الوقت ضيم وحَرق
ما نلم الفتات اللي وراء الراحلون
بس نلمّ الدموع ولو جدانا شَرق
لف ماضيك فالمقفين مايرجعون
وعلقم الوقت ذوقه وأستلذّه مَرق ..!