( تجرح صيامي )

الشاعر الجميل فهد المنصوري الدقيس خص ( ملامح صبح ) في أول تواصل له معنا بقصيدته ( تجرح صيامي ) ومع شكرنا وترحيبنا به ندعوكم لتشاركونا قراءته حيث يقول:
لولا الغلا ما ذكرك القلب يا همه = يحلا سنين العمر يا روض الاحلامي
وش ذكرك ياقوي العزم والهمه = يا الهاجس اللي تحنّ " وتجرح صيامي "
يمر طيفه علي بساع واضمه = ويرد يحيا زمانن مات قدامي
وتلقى المشاعر على ذكراه ملتمه = تارد وتروى على جاله من ألهامي
بعثرت هم السنين أتقول بالمه = ونقضت جرحن غدابه نزف الاقلامي
أصدور الايام من فرقاه مهتمه = في عين منهو نزف من جرحه الدامي
الجادل اللي تحفر القبر وتدمه = تدفن بقايا جنايز غالي أحلامي
تضما وتارد وهو يسقيك من دمه = وتقفي وتجحد .. بعد علّيت يا الضامي
كله على شان حفظ العهد والذمه = ولوما البخت كان ما أخطت رميت الرامي
ماعاد لي في هجوسن جات من يمه = بحاول أسلى وأكمل باقي .. أصيامي