الصمت الحزين

وش تتذكرين ؟
الماضي شغب
والفرقا تعب
والأحلام اللي تبددت
مثل السحب
مايرجعها الأنين
//
\
//
ياطفلة أبكاها الحنين
وش تتأملين
غير الصور
اللي انكسر بروازها
من قسوة قلوب أصحابها
وش تتأملين؟
غير الألم
اللي انرسم
على دمعك
وغير السهر
اللي كسر
ضو شمعك
وش تتأملين ؟
غير
اللي بقى من ذيك السنين
سنين الألم
والصمت الحزين
أبسألك ..
عن أوجاع الطفولة
ياترى تُنسى بسهولة
ولا تبقى في قفص صدرك
مثل طير
الفضا أقصا ميوله
أبسألك عن أيام الطفولة
أيام البراءة و الشقاوة
والفرح
دخيلك ليه
دايم عجولة ؟
علميني
كيف أمسح هالدموع
وأبتسم
وأصير بهالحزن جدآ قنوع
علميني
كيف ممكن
أقسى على حزني
وأقسى على حزني
لين يتوسل لي بخضوع
ويقول لي
تكفين
انسيني وانسي الماضي
ولا تتألمين
ولا تتأملين
هذا الزمن
وعيشي عمرك والسنين
هو بقالك من العمر ليلة
ألم
هو بقالك من الحبر دمعة
قلم
ارحلي واتركيني
مابقى من العمر
غير القليل
واحلمي بالمستحيل
واكسري
عكاز عجزك
بالرحيل !!
بقلم / شادن الغربية