في غيابك

الشاعر الجميل (راشد فارس) خص (ملامح صبح) بهذا النص على وزن التفعيلة، ومع شكرنا له على حرصه وتواصله معنا، ندعوكم لتشاركوننا قراءته حيث يقول..
في غيابك..
كل شي احن له، حتى عذابك
دمعتك، حزنك، نهاية ضحكتك،
تشبيكة ايدينك، عتابك
في غيابك...
اشتهي كل شي فيك، الملامح،
عطرك النافر، ضياء وجهك،
كسل عينك، خضابك
في غيابك..
انكسر وأشعر بوحدة جايرة،
واضماء على طاري سحابك
في غيابك..
أتنازل عن مكابر قسوتي، عن بسمتي،
عن كل شي إلا عن أبسط شي
يوصلني لبابك
في غيابك..
أنا جدا مو طبيعي. مختلف.
حاير. بطئ حتى بتفكيري.
اغالط واقعي واشرب سرابك
في غيابك..
شوف
وش سوى غيابك؟!!