10ريالات من كل طالبة مقابل غرفة التدبير وتنظيمها في متوسطة شمال الرياض

تذمر أولياء أمور طالبات المتوسطة 154بحي المحمدية شمال الرياض جراء إجبار المدرسة الطالبات على دفع مبلغ 10 ريالات مقابل تنظيم غرفة التدبير
أو أن الخصم من الدرجات سيلحق كل طالبة لاتدفع المبلغ المطلوب .
وقالت ولية أمر طالبة في حديثها ل ( عاجل ) اتجهت للمدرسة لم أجد المديرة وجدت المساعدة أخبرتها بالأمر كاملا وكان ردها : أنتم يالأهالي تدفعون على عيالكم أكثر من هذا المبلغ وإن طلبنا منكم تضايقتوا وشكيتوا!!! عندها أخبرتها بأن الوزارة منعت مطالبة الطلاب والطالبات أي مبلغ مالي.
وناشدت ولية أمر الطالبة وزارة التربية والتعليم بتطبيق قراراتها لكي يقتدي بها الآخرون , مشيرة إلى أنه يوجد نص صريح من وزارة التربية والتعليم يمنع حصول المدرسة الحكومية على أية مبالغ مالية لأي خدمة تقدم للطالب والطالبة .
كنهم طالبين 1000 ريال تري كلها عشره ريال وفي حي المحمديه شمال الرياض
طيب عندي سؤال الحين
يطالبووون عشان عشرة رياال لغرفة التدبير ومتضاايقين
طيب علمو بناتكم عدم اتخرييب.
وبنسبة لولية الامر التي اتجهت للمدرسة ومالقت المديرة يعني بتعلمينا انها مادومت
اجل ليش حطين شي اسمه مساااعد
وانتي ياعاجل اي شي تنشرية تبوون تملوون الصفحة بالاخباار الجديدة حتى لو انه اي كلام
ارجو انكم تظهرون تعليقي كاامل مهو مثل العادة
طلبوا عشرة ريالات مو مليون
مافي داعي للشكوى أبدا ...
كأنه وسيلة نشاط من الطالبة
باقي بس يقولون لاتطلبون دفاتر ولا أقلام
شكر شكر شكر
حلوة هذي الشغلة غصب والله حالة والي ما يدفع تنقيص درجات لازم الوزارة تشوف حل
والله ملينا من هالمدارس
تعليم سئ ومبنى أسوأ
ويكملونها بادفعوا!!
من أمن العقوبة أساء الادب والله
يالله ياوزا ة ردي؟ولا نايمة ف العسل
وانت يا حضرة المساعدة المحترمه تضربين راتب عالي ليش ما تصرفين على االغرفة مع زميلاتك احسن من الجلسه والحش والضحك الفاضي وتصرفين راتبك على فسلتين وغيره الله لا يهينك ادفعي لان شكلك حتى عيالك ما تدفعين عنهم اسلوب سخيف ومتعجرف ويجب على وزارة التربيه توبخها على اسلوبها الهمجي الغير لائق مع الام انت تعرفين وش الظروف عشان تجرحينها بهذا الرد ولكن ما نقول الا حسبنا الله ونعم الوكيل .
بسم الله الرحمن الرحيم
لماذا يتم طلب أي مبلغ من الطالب أو الطالبه
هناك أسر والله لايجد مصروف أبنائه
وذكر لي أحد أصدقائي بأن جارهم في بعض الأيام يخرج من منزله قبل صلاة الفجر
ولايعود الى عند ذهاب أبنائه للمدرسه عارفين لماذا
لأنه لايمتلك مصروف لهم وعندما يسئلون عن والدهم تقول والدتهم
ذهب للصلاه ولم يعد للمنزل ويذهبون للمدرسه بدون مصروف
والمدرسين يطالبون الطلاب بمبلغ مالي لتحسين المدرسه
لاحول ولاقوة الابالله
عادي انا كنت بالكلية التقنية ببريده في مبنى 14
ويخصمون علي ( 10) عشرة ريالات من كل شهر لمدة 3 سنوات
يعني 10 ريال * 12 شهر = 120 ريال في الشهر
كنا في القاعة تقريبا 40شخص يعني 40 طالب * 120يساوي 4800
4800 ريال هذا مبلغ سنه واحده لقاعه واحده
( صندوق الطالب )
الله لا يبيحهم ولا يحللهم
ضاعت الميزانيات بالسرقات فلامجال لتكميل متطلبات التعليم الامن جيوب اولياءالامور !!
( أنتم يالأهالي تدفعون على عيالكم أكثر من هذا المبلغ وإن طلبنا منكم تضايقتوا وشكيتوا!!!),والله انها صادقه وش بتضركم هالعشره لو انها ميه ماضرتكم ماشاءالله عليكم ياسكان المحمديه ، مهوب كل شي على الوزاره حتى لو قالوا كذا ساعدوا شوي والله انا لامديره ولا لي دخل بس احس بمعاناتهم ، لاحول ولا فوة الا بالله .
"أنتم يالأهالي تدفعون على عيالكم أكثر من هذا المبلغ وإن طلبنا منكم تضايقتوا وشكيتو"
تحت هذا الرد تندرج عدة تساؤلات.
ما علاقة إدارة المدرسة بالمبالغ التي يتم صرفها من قبل الأهالي لأبنائهم؟
وزراة التربية والتعليم تقوم بصرف ميزانيات لكل مدرسة. أين ذهبت؟ لكي يطالبوا الطلبة بمبالع مالية.
ارفع القبعة احتراماًً لولية امر الطالبة ؛ فالكثير من الأمهات يدفع خوفاً من الإحراج.
تحياتي ,,,,
مكبرين الموضوع يا عاجل ما حصلتو اخبار وحطيتو خبر مثل ذا ؟؟
شرحكم سرا
نفس المشكلة عندنا كل اسبوع او اسبوعين المدرسة تطلب مبلغ مالي من اجل ...
واذا خلص كل شي بدينا في الحفلات اللي مالها اي مناسبة و اللي يبيع في الحفلات هم المدرسات يعني وحدة جايبة بليلة والثانية ايسكريم والثالثة حلويات و هات سلخ في الطالبات
و بنتي في كل حفلة لازم اقل شي 20 ريال عشان ما تحس انها اقل من زميلاتها و المعلمة تقول لها ما عندك فلوس
حسبي الله ونعم الوكيل
على فكرة المدرسة اللي اتكلم عنها هي مدرسة ممتازة من ناحية التعليم و لكن من ناحية الطلبات متعبة و اللي وده يسجل فيها تراها قريبة محلات الجوالات ( المرسلات )
امن العشره تستهزؤون عام المعلم والقطه على عيال الناس
شررر البلية ما يضحك
الحين كل هذا عجزززز يا مديرره انك ترفعين طلب للوزاره انو ينفذون لك اللي محتاجته ؟؟!!!
يعني الحين صارو الطلاب بنظررك يصرفون ع وزااارة التربيه والتعليم ؟
ماقصر ابو متعب اعلا الميزانيات للتعليم والصحه يلا وروونا كيف تصرفوونها بشي يستفيد منه الششعب اذا فيه مسئوليه وصرف المال بالمكان المناسب بدون اكل
الضماير بهالزمان من اللي قبرها ... وحطو لها تمثال صوره بلا روح
لوسمحتم لاتقولون(ناشدت )وزارة التربيه والتعليم بل قولو(طالبت وهددت)...
والله عيب على ام الطالبه هالكلام و الاسلوب المتخذ صحيح ان الوزاره منعت اخذ اي مبالغ ما الطالبات
و لكن نجي للواقع الي يخرب المدارس و يكسر و يحوس هالمباني من مو الطالبات
ليت الوزاره تنتبه لهالنقطة يعني نسدد و نقارب (لايوخذ مبالغ من الطالبات لاشياء تخص المدرسة
و لكن تدفع الطالبه مبلغ مادي لاي شي اتلف او تكسر تكون السبب فيه زي الشخمطه على الجدران
او نكسير زجاج الشبابيك و تنظيف الطاولات الي كانها مذكرات يوميه ولا اشياء اخرى
خليك على العشره ازين
والله اتحدى لو صار اي اجراء من الوزارة
الوضع هذا في المدينة وفي اكثر مدن المملكة المنع فقط تعميم حبر هلى ورق
لو كان الوزير يقصد فعلا ما دون في التعميم لما سمعنا وشاهدنا ودفهنا مثل هذه المبالغ
الممنوع دفعها في دول عربية اخرى ممنوع الدفع والطلب من اولياء الامور
اتحدى يكون هناك قرار او عقوبة من الوزير
ثم تخيلو لو ان الخلايا النائمة تجعل واحد منهم مدير مدرسة او مديرة ويبدأ جمع المال في المدارس على انه للنشاط او الرحلات وهو في الحقيقة يجمع للإرهاب
تصوروا مدارس المملكة ممكن تكون مراكز لجمع أموال تمول الجماعات الارهابية
لأنه ممكن يصير هذا الوضع
اللهم قد بلغت اللهم اشهد
انشري يا عاجل فنحن نخاف على بلادنا انشري ليعلم صانع القرار عن ابعاد هذا الموضوع
زين سوت ياما دفعنا وصبغوا بويات في الفصول من حلالنا وجددوا اللي يبون يجددونه من حلالنا ازعجونا بكره جيبوا ريالين وبعد اسبوع جيبوا خمسة وبعد شهر جيبوا عشرين والله كأننا بدولة فقر كل شيء يصلح بالمدرسه على حساب هالبنات الضعيفات ورواتبهم مدري وش يسوون فيها إذا حريصين على هالمدرسه أدفعوا من جيبكم مو طراره وشحاذة من البنات واللي ماتقدر تدفع إحراج لهم لأن مو كل البنات اهلهم عندهم فلووووس
والله اتحدى لو صار اي اجراء من الوزارة
الوضع هذا في المدينة وفي اكثر مدن المملكة المنع فقط تعميم حبر هلى ورق
لو كان الوزير يقصد فعلا ما دون في التعميم لما سمعنا وشاهدنا ودفهنا مثل هذه المبالغ
الممنوع دفعها في دول عربية اخرى ممنوع الدفع والطلب من اولياء الامور
اتحدى يكون هناك قرار او عقوبة من الوزير
ثم تخيلو لو ان الخلايا النائمة تجعل واحد منهم مدير مدرسة او مديرة ويبدأ جمع المال في المدارس على انه للنشاط او الرحلات وهو في الحقيقة يجمع للإرهاب
تصوروا مدارس المملكة ممكن تكون مراكز لجمع أموال تمول الجماعات الارهابية
لأنه ممكن يصير هذا الوضع
اللهم قد بلغت اللهم اشهد
انشري يا عاجل فنحن نخاف على بلادنا انشري ليعلم صانع القرار عن ابعاد هذا الموضوع
المشكلة البنيات مايلقن ماء بارد علشان يشرن الموية من المقصف
وش يضرك لادفعتي 10 ريالات من اجل التعليم احتسبيها تبرع للعلم واهل العلم
هذاالوحده تطلع للسوق وتخسر 100 ولالف على خلاقين - لكن ابليس وراه
وبعدين واذا طلبت المعلمة 10 ريالات وش المشكلة؟
ولا لازم بعض الناس يدورون المشاكل
كل المدارس كذا وخصاتن مدارس البنات وتعالوا شوفو مدارس البنات عندنا بالمجمعه كل المدرسات اللي فيها من اهل الواسطات تتخرج اليوم تتعين بكره بنفس مدينتها واشغلوا الناس بالطلبات حسبي الله عليهم المفروض ينظر في مدرسات المجمعه وينقلون لمدارس خارج المحافظه مثلهم مثل الباقيات ولاعشان عندهم واسطات ماينقلون الله لايوفقهم اذا صار زوجها بادارة التعليم ضمنت تثبيتها بالمجمعه واللي ماعندها واسطه يقلعونها لاخر الدنيا
جات على 10 ريال؟؟
ناس تدور المشاكل..
خلي الطالبة ترفض اول ومن ثم اشتكوا اذا نقصت درجاتها..
وعموماً لابد من الاستماع للطرف الاخر ..
10 ريالات تضركم يا حبنا للشكوى والتشكي يا ناس وش ها المجتمع طيب ذا ما توفر برادات صحية في أغلب الاحيان في المدارس وطلبت المدارس من كل طالبة حتى المعلمات دفع 10 ريال بعد بتشتكون والمسألة فيها ذهاب للمديرة والمساعدة ما يسوى الأمر بس حب المشاكل في دم أولياء الأمور علشان تقولون للناس شفتوا غسلت شراعهم ولا ماهمني ال10 الطفسة ........ اقول الله يخلف
يعني الواحد ناقص يدفع حتى للمدرسة وين احنا طيب يمكن فيه عالم ما عندها
يوجد نص صريح؟؟؟؟؟ من كثر التعاميم نسوه----بعدين مسكينة وزارة التعاميم ميزانيتها من اقل الميزانيات بالبلد؟؟؟؟؟؟؟ عما يعميكم ابو متعب --الله يحفظه--امر للتعليم باكبر ميزانية مليارات لم يسبق لها مثيل ومع ذلك وزارة الدجة تشحذ من اولياء امور الطلاب والطالبات ؟؟؟؟؟؟؟ السؤال وين راحت هالمليارااااااااات؟؟؟؟
ههههه قرار الوزاره حبر على ورق بس
فالطالبات مطالباااااات بتزيين الفصول من لوحات وتجليد وزينه و و و ...الخ
واحياناً لوحات لشرح الدروووووس
وهذا موجووود حتى الان في اغلبية المداااارس اذا ما كانت كلها
اها وانا بعد ان شاءالله راح اشتكي مدرسة هاجر الابتدائيه بأسكان الحرس الوطني
بحي بدر
حيث انها طلبتاتها مستمرة كل يوم خمسة وعشرة ويوم مفتوح تباع فيه بضاعة للمعلمات
بأسعار خيالية !!!!!!!!!!!!!!
مسوين شراكة شكلهم مين يوقفهم عند حدهم ؟؟؟؟؟؟؟؟؟؟؟؟؟؟؟؟؟؟؟
بالاضافه الى ثانوية عائشة بحي حطين كل يوم تسليك كتاب +ملزمة + الخ ........
وش ذنبي اجي من الدوام تعبان واحصل قدامي جدول طلبات من المعلمات ؟؟؟؟؟؟؟؟؟
الرجاء نشر ردي ياعااااجل بشكل عااااجل وان شاءالله راح اشتكي كل مدرسة
على حدة
اللهم عليك بهم الله عليك بهم اللهم اشغلهن بأنفسهن يارب العالمين حسبي الله ونعم الوكيل
وزير الدجه دوروه حول أختلاط ولى طق ورقص ولى الدعاره في الكشافه
عادي والله اني عسكري بقاعدة الخميس في الجنوب وطلبو مني قبل أمس خمسة
ريالات لأجل الطابعة تحتاج حبر وأذا ما دفعت فأنت موقف والله والله والله ما أكذب
قمة التخلف!!!!!
مشتكين على عشرة ريالات و هي لتعليم بناتهم!!!
الواحد فيهم يشتري و جبة هامبورجر بما لا يقل عن عشرين ريال و آيس كريم بمبلغ لا يقل عن 15 ريال
و الله عيب فضحتونا
طلال + ابو ريما + الباقين اللي موافقين يدفعون
شكلكم ابناء نعمه ومن هوامير الصحراء اللي يقولون عنهم
ومن الواضح انكم من الطبقه التي سببت في غلاء الاسعار اللي صاير الحين!!
طالما انك قادر انت وهو تدفعون المبلغ المذكور فليتبرع واحد منكم بهذا المبلغ
وراح احسبها لك يا فهيم انت وهو
10 ريال × 900 طالبه = 9000 هذي قيمة تنظيف ؟
هذا كله لوحده ووزاره التربيه تدفع مصاريف وقدرها للنظافه وللعمال وإلخ
لو يخصمون من راتبك عشره ريال كان رحت تنصرع وتركض وراها في الوزارات
لكن اللي ارجووله بالمويه مو مثل اللي ارجوله بالنار
انا اقدر ادفع بدل ال 10 10000 ريال للمدرسه لكن فيه ناس مو لاقيه تاكل ولاهي ناقصه مصاريف فوق المصاريف
ونظرتي للي صاير نظرة الانسان اللي ما عنده شي من وين يجيب هل عشره ؟
[ابو ريما]
الظاهر انك من اللي متعود ما تداوم وماخذ راتبك ونايم بالبيت وما هانت عليك المديره
يا ليتني في لجنة مكافحة الفساد عشان امشيك على الصراط المستقيم انت وشاكلتك
الدوله اعزها الله ماقصرت على التعليم ومالهم اي حق يطلبون هلله مهما بلغ الامر واللي يخرب شي متعمدا يتم تغريمه ذبحتونا المقصف لميرة الدرسه يكفي تستفيد منه ويكفي انا ساكتين وماقلنا شي عن تسعيرة المواد
تم منع صناديق التبرعات في المساجد ومحطات البنزين
طيب المدارس مرتع خصب ممكن يستغل من قبل النفوس الضعيفة
10 في 600 طالبة = 6000 ريال في الشهر
وبعدين 20 لحفل ما= 1200 في نفس الشهر
رحلة للملاهي كما نشاهد وتتفاوت من 50 الى 100 المتوسط مثلا 80 ريال
80 في 600 = 48000 الف ريال في الشهر الثاني
ونفس الرحلة في النصف الثاني ؟؟؟؟
هنا حيكون ينبوع اموال في المدارس ومن يريد الغرف عليه ان يصبح مدبر او مدبرة
و20 رال لمسابقة الفصل ؟؟؟؟؟
اموال أموال
ممكن تكون هذه المدارس مثل صناديق التبرعات التي تم منعها من قبل وزارةالداخلية
يقولون درهم وقاية خير من متابعة وجري وخوف وعمل هنا او هناك
دعوة للعقلاء هل ننتظر الفاس يكون في الرأس
قد تستغل المدارس لجمع الاموال لجهات وخلايا
أنا بلغت
علما ان هناك ميزانية بكم مليار فقط للنشاط نعم فقط للنشاط اسألوا وزارة المالية عن ميزانية النشاط التي للمدارس
انتبهوا من جمع الاموال
وبالنسبة للطالبة والطالب اللي يخرب يدفع اجرة وقيمة ما خرب دبل غصب او يفصل عندها ستجد المعلمات اللاتي يتفلسفن ويهون الأمر أن الوضع سيكون سليم وتنتهي هذه الحالة
أما ان المعلمة تجمع من الضعيفات لمصروف بيتها أو غرفتها أو تحدي مع زميلتها فعلى العلم السلام
اتصلوا يا ناس على الفساد الاداري لو على ريال
الرقم : 980 نعم هذا هو رقم الفساد الاداري واسألو مجرب والله لو ريال ادبو من يريدون تحطيم نفسيات ابنائنا
مثل المسكين اللي يخرج فجرا ولا يعود الا بعد ذهاب اولاده للمدرسة بسبب عدم توفر المال معه
يا عاجل عجلي النشر
عاجل الله يكثر من امثالك ولأي شي في صف المواطن....
والاخوان اللي يقولون كلها عشرة ريال ترى في ناس ميلاقية تاكل. تراها حكومية يعني فيها الغن والفقير قوووووووووول الحمد لله بس!
كفو والله ولية الطالبه واللي يعلق يقول عشره ريال ما القصد العشره افهموا ياجماعة !!!!!!
اولاً لكل مدرسة ميزانية من وزارة التعليم كل سنه دراسية .
ثانيا من طلب اليوم عشره بكره يطلب ميه وهكذا !!!!
يعني المديرة ولا المساعده راح تدفع العشره اللي قاعدين تستهئزون لالالا ما راح تدفع واتحدى ان كان دفعة وان دفعة فمن ميزانية المدرسة ؟؟؟؟؟؟
كفو والله يوفقك انتي وامثالك يا والدة الطالبة والله يساعدك
ورا ماتدفعها المدرسه والاداره من جيوبهم
ياطلال وابوريما ترى العشرة ريال تجر عشراااات
واسأل مجرب
عشرة بعد اسبوعين عشرة بعدها عشرة وهكذا لين وصلت 150 ريال سنويااااااا تخيل
ومن كل طالبة يعني اللي عندها اربع خمس بنات خل الحسابة تحسب...
وبعدين وش دراك يابوريما ان البنات خربوا؟؟
الحين يقولك الخبر تنظيم يعني كل هذا عشان غرفة التدبير اللي بتصب ف مصلحة المعلمة وتقييمهاوش دخل الطالبات؟؟!
والله البنات ماعليهم الا يطبخن ويغسلن وينظفن الغرفة وبعد يدفعن؟؟
اقول حاسبوا حاسبوا وبلاش استغفال ياوزارة
كلمة حق انشري ياعاجل
وش حارق رزك ياابو ريما
يعني تبي ولية الامر تقول المديرة وهي مالقتها تكذب يعني؟
لايكون المساعدة تقربلك
قل خير او اصمت
ان كنت فعلا ابو ريما موب ام ريما!!!
حقيقة 10 ريال أشوفها ولا شي في مقابل إني آخذ درجة كاملة في الفنية أو أي مادة ثانية في الاعمال.
بالعكس 10 ريال أحسن من منهج الوزارة الفاشل اللي يدفع الطالب ما لا يقل عن 50 ريال إلى 100 ريال في الاعمال الفنية اللي يكلفها المدرس للطالب من أدوات قص ولصق وأخشاب وأدوات مالها فايدة في الحياة أصلا. غير إهدار وقت الطالب فيما لا يعود على الطالب بالمنفعة. أتمنى ان يتم إستبدال مادة التربية الفنية بمادة أخرى عن السلامة بالمنزل وخارج المنزل والمدرسة كما تفعل أرامكو أو تعليم الحرف اليدوية.
طلال كانهم طالبين 1000 ياخي من حق كل ولي أمر انه يقول إلى يبي ترى مو من حق أي مدرسة يطلبون من أي طالب او طالبة ريال واحد اصرف على وزارة التربية والتعليم وهم اشغلونا هم والمدرسين الله يلعن إلى ما يتكلم في هذا الشأن ليه والدولة ما قصرت مع أي وزارة وخاصة وزارة التربية والتعليم صح ولا لا
طلال و ابو ريما اذا انت شاف مابها شي العشره غيرك بشوفها مليون يعني لاتسوي فيها غني علينا
ويعنني عشره ريال طيب احسب عشره على عشره كم تطلع ؟ كل طالبه عشره ريال واذا قلنا عدد الطالبات 24 كم تطلع ؟
تطلع يمكن 240 ريال ؟
لابعد المدرسات طالعات طلعه اللي ماتجلد كتبها المدرسه تاخذ الكتاب
وصارت هذه السالفه بعرعر
مدرسة مجمع الصالحيه
ياليتها حاجه وخلاص
لا حاجات كل اسبوع الطالبه ابي وابي وابي وابي واذا مانجيب المدرسه تقول خصم ؟
بودي اتصالكم ياعاجل باداره المدرسه قبل نشر الخبرلان هذه الطلب ممكن نشاط واختياري العجله مذمومه
تشتكي لمصدر السرقة اذا هم لم يأمنو بعض الكتب ويجبرون اوليا الامور لشرائها من المكتبات حسبي الله ونعم الوكيل لاتعطوهم شي واتحداهم يرسبون ابنائكم لانها مواد غير اساسيه.ملاحظة/////////اغلب التعليقات تدل علي ان اصحابها مدرسين ومدرسات!!!!!!!!
والله لو يلغون الماده هذه ويطورونها بدون طبخ احسن لان المطبخ المدرسي فيه خطر على الطالبة والمدرسة والمعلمة شخص واحد قدام 45 طالبه والبنات مراهقات يتعاملون مع الكهرباء والالات الحاده بشكل جنوني وبالاخير المعلمة تطيح براسها عشان منهج تافه والمطبخ يلغى من المدارس احسن ويحطون مادة بدالها عليه القيمه
يامن تستهزؤن بالعشرة .. وتقولون ( كل هذا على 10 ؟؟)
ترى فيه ناس ما تقدر على العشرة ريال ؟؟
اولا الحمد لله ان الدولة لم تقصر في ميزانية التعليم ووزارة التربية تحاول جاهدة في الرقي في التعليم باسلوب جديد وهناك دراسات وتطوير فهي مشغولة بالتطوير .... وفي رأيي لابد من اولياء الأمور بالمشاركة وهذا اختياري وليس اجباري وهذا كلام المساعدة حين قالت انتم تصرفون على ابنائكم اكثر والمعنى هنا يدل على عدم الاجبار وانما بالاختيار والله يا أخوان لو اننا نقوم بدفع قيمة رمزية في بداية العام لأسهمنا كثيرا في تطوير المدارس ليس اجبارا ولكن اختياري وهناك مدارس بارزة في هذا المجال يقوم اولياء الامور عند تسجيل ابنائهم بالمساهمة في تطوير المدرسة وهذا عمل خيري ... ينعكس تماما على ابنائنا وبناتنا في تحسين البيئة المدرسية واتمنى من اولياء الأمور المشاركة بالشيئ المعقول ....
والله إني أشوف اولاد وبنات في سن الإبتدائي والمتوسط والثانوي يصرفون في مطاعم كودو وماكدونالدز مبالغ مايصرفها الموظف وذلحين وقفت على عشرة ريالات
اقسم بالله ما تستحون كلها عشرة ريال
وين الكرم اللي تكلمون عنة لكن اقول الشرهة مو عليكم علي اللي خلي التعليم لكم بلاش
يا عبده الريال
والله شي يبط الكبد فيه روضه تطلب 6000 الاف ريال رسوم الدراسه و2000 ريال مواصلات و500 ريال للمريول والكتب السؤال هل يعقل هذا والله شي فوق الطاقه الاستيعابيه لي ارجو التعليق ولكم تحياتي
الله اكبر على ايش مكبرين الموضوع على عشرة ريالات بعدين الطالبات انفسهم يبون الراحة والتجديد انا لا معلمة ولا مديرة بل ولية امر والله لو بنتي جات تطلب عشرة لاعطيها 100 لو اتسلفه لان هذه خدمة للوطن وللتعليم وللطالبات بعد ...اشك ان الام اللي راحت تشتكي مريضة تقدر ماتدفع وترسل عذر مع بنتها للمدرسة بعدم قدرتها وانتهى الموضوع المعلمة اكيد بتقدر لكن الشرهة على {عاجل} بالله ذا خبر تنشرينه بصحيفتك ياااعااااجل ..******
اللي يقولون عشره ريال ترها تجيب دجاجه يتغدونها
طيب اللي عنده خمس بنات يدفع خمسين
تراها مو ملزوم يكد على مطابخ المدرسه
وتدرون انه كل سنه يغيرون الدروج والمواعين على حساب الطالبه
وبعد سنه يرمونها ولا تاخذها وحده من المدرسات
ليه شافين الطالبه عندكم صرافه
المفروض حتى الفسحه على حساب المدرسه
مايكفي انكم ماعندكم وظايف على الاقل توفرون مصروف الفسحه
والاسعار الخياليه للمقصف الى بنص بريال سلامات لا بعض المديرات تقول
ممنوع تجيبون اكل من البيت سلامات
مسائكم سكر للجميع انا معلمة تدبير ومو من حقها تطلب ريال واحد من الطالبه وفيه ناس جد يالله يلاقوا الريال لا تستهنوا بالعشره الله لايهينها الوزاره تتحمل كل شي وهي حاطه بيد كل مديره ميزانيه هالقد والله لو انا ام هالطالبه لاروح اشرشح المدرسه بالمعلمه بالمساعده وبنت ابوها تنقص درجه عشان مادفعت طالبه اذا فيها خير هالمعلمه تحط من 10000 اللي تستلمها كل شهر ولا تنطق ولا تتفلسف ع خلق الله هبي والمساعده واللي تقول الله يعين المديرات الله لايعين كل مديره قشرا وجايبه الهم لمعلماتها زي العله تاللي عندنا حسبي الله عليها
لا تدفعون يا اولياء الامور ولا ريال واحد الا بالرضى منكم
تحياتي للجميع
والله حرام وال حالتهم المادية ضعيفه وما تقوى هالعشره تدفعها يعني يرسبونها او يهينونها قدام الطالبات اصلا كلها سرق بسرق كم طالبه بالمدرسه كل طالبه 10 ريال يعني لو بالمدرسه 1000 طالبه يكون المبلع 10000 الله واكبر يا غرفه التدبير الي بيصلحونها بعشره الاف ريال بيصلحونها ب500 ريال والباقي مقسم نصفه بشنطة المديره والنصف الثاني بشنطة المساعدة......."
(((((والله لو على 10 ريال مو مشكلة بس اليوم يطلبوا 10 للتدبير وبكرة 20 مدري لايش وممكن تزيد.....لاااابد من ردع هاذي االطلبات من المداررس اللي مالها داعي))))) الله يعين وبس الرواتب ترتفع والطلبات تزيد