قصيدة “ظلام الحوت” للشاعرة العنود الواصلية

ترا .. في براد الليل هذا مابي لي كوت
أبي آلدفى من قربه .. وشبة عتابي !
••••••••
نجوع اللقا من شوق مير التكبّر قوت
يصبرني ب غيابه ويصبر على غيابي
••••••••
معي خافقٍ وده ف قلبه يذب الصوت
ينادي ب شرهاته و يفتح لها بابي !
••••••••
ولا صمته المزعج .. ولا حزنه المكبوت
ولا غيرته اللي من العطّر ب ثيابي ..!
••••••••
مايجرح شعور الغيره ان جاك بس الموت
شعور التملّك ل أعربيه من أعرابي ..!
••••••••
لو الامر بيدينه سكنّت ف ( ظلام الحوت )
على شان نور الشمس مايكشف اهدابي
••••••••
ولو الامر بيدينه ل غيره ماعّرف بيوت
ولا افهم من الاشعار مابيح كتّابي ..!
••••••••
يبيني على كيفه .. و انا ماعلي ريموت
على شان ماتجزع رجوّلته ب اسبابي ..!
••••••••
واذا جيت اوضح له غدت معركة جالوت
مجانيق نظراته على جرح مضرابي ..!
••••••••
خفوقه بلا رحمه .. من الحب والجبروت
يبي ارضخ ل حكمّه وانا حرّه وماااابي
••••••••
أحبه محبه عاقله .. دينها مثبوت ..!
لكنه طغى بالحب لين اصبح ( ارهابي )
•••••••
الشاعرة/ العنود الواصلية