“سلمان المفدى” قصيدة للشاعرة رواسي بنت الهيلا

في دروب الخير سيري يابلادي
انتي الاولى ولاغيرك مبدا
••••••••
دون حدك تبت إيدين الاعادي
في ذرى الله ثم سلمان المفدى
••••••••
بيعته فاأرقابنا قبل الايادي
يبشر بشعب موالي ويتحدا
••••••••
كلنا جنده ليا نادى المنادي
والعدو فيه نتعشى ونتغدا
.••••••••
من طمع في دارنا تايه وغادي
والله إنا له بالأرواح نتصدا
••••••••
.حادرٍ من ضيعته عشرين وادي
يحسب إنّه راعي الاوهام ندا
••••••••
وش يجيب اللي على راس الشدادي
لواحدٍ ما جاب في حاله ودى
••••••••
ارضنا هي عرضنا علمٍ وكادي
و من نوانا ناصله قبل يتعدى
••••••••
مانوقف دونها موقف حيادي
ولانطالع من يخون ومن تردى
••••••••
ياامام العرب ياريف العبادي
ياذرى من ضده من الوقت ضدا
••••••••
لك ولانا سيدي حضر وبوادي
مثل نهج اجدادنا فيه نتقدى
••••••••
الشاعرة: رواسي بنت الهيلا