قصيدة للشاعر مانع الملاطي

ياصقور الجو ياسقم المعادي=ياحماة الحق وانصار الشريعه
ياسياج الدار لا نادى المنادي=ياسيوف دون موطنها وريعه
هلوا الغارات لاثار الزنادي=دكوا حصون العدا لوهي منيعه
انثروا غاراتكم في كل وادي=فيه للحوثي ولرجاله طليعه
اقصفوا معقله واحيي يابلادي=من نوانا جات غارتنا سريعه
دون موطنا تكاتفنا الايادي=والولا فينا لحاكمنا طبيعه
ياملكنا قودها وانت القيادي=لك غلا في قلب شعبك مايبيعه
زاد حبك في قلوب الشعب زادي=ياذرى الشعب السعودي ياربيعه
دونك ودون الوطن حنا نفادي=من شمال المملكه لين الوديعه
وانت ياسلمان زيزوم الشدادي=رايتك دايم على القمه رفيعه
من هل العوجا ليا قام الطرادي=لاغزاهم غازي ن جته القطيعه
مانع الملاطي