قصيدة للشاعر مهدي بن مسفر الحبابي

لِما ناموا العالم وُقلب المريح ارتاح
تعرض لفكري صلف الاعصار واجتاحه
***
عثت بي إهجوسٍ لاتريّح ولا تنزاح
اتْشتت خيال الفكر واتحارب الراحه
***
أحلام الرجال اهل الطموحات زرق ارماح
واعزوم الرجال بقلة الوجد ذباحه
***
والاحلام واجد والهدف لاول الامداح
وكلمة نعم مطلب لها النفس جماحه
***
وُعرف الرجال الكفو كنزٍ من الارباح
وبنك المعرفه يجني الوافي ارباحه
***
ويخسر به اللي من عْيون النشاما طاح
بعد ماكسر عزه بْفكره وُبسلاحه
***
ويانو السحاب اللي تركم وبرقك لاح
لا تبطي ترى الايام ماهيب مزاحه
***
ويا الشاعر المحبوب لا تقطع المسباح
خرز سبحتك ماله شبيهٍ على الساحه
***
هدية صديقٍ مدها والقلوب اصحاح
ويخشى من الطير المسمى وملواحه
***
هذا وانت مايجهلك بان المجال امتاح
امام الكلام ومن يبي ياخذ اوشاحه
***
وانا قلت ما قلته بموجز بدون ايضاح
وانا عارفٍ ثلثين ذالناس لماحه
***
ختمت الكلام وكل بابٍ وله مفتاح
وباب الوفاء والعرف ما ضاع مفتاحه