قصيدة حصرية للشاعر مسفر بن صيدان

الدله اللي توقد جمرها الأشهبا=زليتها من هجوسٍ له صلاحيته
ومديت فنجالها لك ي عميلي جبا=والكل منا يفسرها على نيته
مابان راسٍ على وجه العسيره غبا=إن ربح في هيته وإن خسر في هيته
وملذت العمر لحضه تسعد وتطربا=لها يسوق البنادم كل ماليته
لكن دنياك وآخرتك تراها تبا=مبادئك والعمل ذكرك وشخصيته
الذكر يبقى وقاصرت الشبور تهبا=ولا أحدٍ يجاري على المشهات عفويته
اسمع ب ابو زيد لكن زيد ماله نبا=حتى ولو له أفعالٍ تعتبر ميته
والمجلس اللي تسابق فيه شرد الضبا=عذروبه إن ماحدن يشفق على جيته
مدام مابه تراحيبن ولا مرحبا=آخير يذبح رعى المجلس بجنبيته
ودام المشاريه عن بعض الرجال تغبا=لاعاد تشره عليه اشره على خيته
مسفر بن صيدان