"عاصفة الحزم" قصيدة للشاعر سعد بن خاطر

لعنبوا راسٍ من الطيب ما شاش ورقص =عقب ما طارت ودكت على الحوثي دكوك
يا ولد سلمان خوك اول الغارة قحص =لاجل ما يلحق وطننا تهم والا شكوك
ياهل العوجا هل الحرب ترويها القصص=من قديم الوقت وانتو ملوك ابنا ملوك
يا ملكنا حن جنودك وحن درع وقفص =للوطن وحدوده نموت من دونه بروك
لا دعا سلمان ناقف صفوفٍ نرتصص=نثبت وناقف ولاعدا البلد في الحلق شوك
جاك يالحوثي من الجو سربٍ يرتقص=عقب نصف الليل دكووك بالنار وشووك
جعل راسٍ وجه الحزم عمره ما نقص=الله يطوّل بعمره ويكفيه الصكوك
برّد اكبودٍ من الغبن جا فيها غصص =وارجع الهيبة للاسلام والسنّة نخوك
الشاعر سعد بن خاطر