قصيدة للشاعر مهدي مسفر الحبابي

من وزارة فكر الابداع نِصدر ما نراء
والعذر بعض العبارات تبغي ترجمان
ادري ان عشاق الابداع للجزل اسفراء
وللمراجل روس عز ٍ اتعز ولا تهان
وقمة الامداح تبقى مثل طلعة كراء
والشجاع الله منجيه والِمكرم أمعان
والحياة أسواقها بين بيع ومشتراء
يربح افلان الفلاني ويخسرها افلان
وقبلة اهل الدين والمسلمين ام القراء
وفوق وجه الارض للعمر ما يوجد ضمان
ومن جهل ما بين الاسطر فينشد من قراء
ويتحزم بالمعرفه قبل نطق اللسان
أدري ان اكثر مخاليق ذا الوقت اشعراء
لكن ان سبعين منهم يعيش بلا اتزان
ونصف باقي خلق ربي مشايخ وومراء
وان بدا شان المطاليق ما لزمه مكان
والجبال الوقت هذا لا ظل ولا ذراء
حكمة الله ويش باقول ياالله المستعان
وفرق ما بين الثرياء وما بين الثراء
علم اللي يجهل العلم يا راع الحصان
والصحيح يصح واللي على بالي طراء
سيف شامان اصبح اليوم كنه خيزران
مهدي بن مسفر الحبابي