المراجل قصيدة للشاعر مسفر بن نومه

المراجل
الصغير صغير في عيون الرجال=لو لبس له بشت وعقال كبير
المراجل ما هي بلبس العقال=وما يحوز المرجله رجل حقير
اصخر المعنى على بيوت ثقال=واسبك الطاروق بالمعنى الخطير
مانبي الجاهل يحصل له مجال=وان قراها الفطن ل عقله يطير
الله اكبر يا زمان الاختلال=اختلف وضع العرب واصبح مثير
صار مقياس الطلاقه بالريال =وصار شيخ القوم من ماله كثير
واصبح الواقع يشابه للخيال=والزمن كنه رحاة تستدير
ان بغيت يمين يرجع للشمال=وان بغيت اطلع يحول وسط بير
والزمن لو دار ما هز الجبال=ولا ابتلش به غير من عقله صغير
والحمول الكايده حمل الجمال=يرغي الحاشي وينقلها البعير
قالها اللي يوم غنا بالجزال=ما ورت العد بالحبل القصير
ما كتبت الشعر لجل ازداد مال=شاعر واسبح على البحر الغزير
محدد اهدافي وراسم لي مجال=بالثقه ويجرها سلك الحرير
والصغير صغير في عيون الرجال=لو لبس له بشت وعقال كبير
الشاعر مسفر بن نومه