بيني أنا وبين قلبي

أنا: خلاص ياقلبي انسى اللي نساك ونساني
قلبي: والله ياليت اقدر انسى، كان نسيته من زمان وارتحت
انا: حاول وانت تقدر..
قلبي: صدقيني حاولت وماقدرت غصب عني ماقدرت..
انا: طيب ليه ماقدرت، وبعدين ياقلبي ترى النسيان سهل جدا ومافيه اسهل منه عند الانسان
قلبي: بصراحه يانوره انا باقي احبه وماني قادر انساه، وصدقيني ترى لو ماني قلبك وانتي صاحبتي ماكان قلت لك هذا الكلام
انا: طيب ياقلبي شوفه هو وشوف قلبه كيف نسيونا، نسيونا انا وإياك ومافكروا فينا، وانت باقي للآن تقول احبه وماني قادر انساه؟
قلبي: يابنت الناس انا قلبك وانتي عارفتني زين، انا صحيح اعرف احب بس صدقيني ما اعرف انسى..
انا: طيب وبعدين ياقلبي يعني برأيك وش الحل؟..
قلبي: ابد مافيه حل إلا اني ابقى احبه عشان يبقى لنا ذكرى حلوه، وبعدين انتي وش عليك مني، انتي لا تحبينه خليني انا احبه..
انا: شوف ياقلبي انا وانت يانجي سوا يانروح سوا، طيب خلاص ياقلبي انت حبه مثل ماتبي وحتى انا ودي احبه معاك، إلى ان يجي يوم ياقلبي، يجي يوم وتتعلم النسيان، تتعلم مثل قلوب باقي الناس.
نورة الحربي