من جديد تعود الموهبة الواعدة مُنى الزهراني لتطل على القراء الكرام بنص متألق ، يثبت موهبتها الشعرية .. نترككم مع .. صدى الحرمان شعر : منى الزهراني (حقيقة صفحتي بيضا ولا عمري جرحت إنسان)=(أجامل وابتسم للناس وأنا كلي شقا وأحزان) أبي ارسم على صفحة زماني لوحة للأحزان=وأبين داخل اللوحة دموعي بريشة الألوان وأبي بروازها يشكي يقول إني أنا تعبان=من الدنيا وبلاويها وياما ذقت من حرمان أبيها توصل أشواقي وتقدم عذري لأغلى إنسان=تقول إني أنا آسف علي حقك أنا غلطان أحاول اخفي إحساسي وأقول إني أنا غلطان=لجل ماانجرح في يوم ولا أحس بمدى الخذلان أحس بداخلي غصة تقول إني أنا ندمان=على أقوالي وأفعالي إلى من قلت أنا عتبان تمنيتك تجي يمي وتمسح دمعة الأعيان=وتسألني على حالي تربى لحبك أنا عطشان وليه إني إذا شفتك أحس إني طفل ولهان؟!=وليه بداخلي إحساس مع الغربة يزيد أحزان؟! يضايقني بهالدنيا إذا حسيت بك زعلان=ويصير ملخبط إحساسي وساعتها أنا حيران !! وإذا إنا تصافينا أحس بقيمة الخلان=وألاقي بداخلك إحساس واتنعّم بأحلى أحضان تعبت اكتب تعبت أشكي تعبت أبكي أنا تعبان=تعبت آكوّن اللوحة وارسمها بدون ألوان ولكن باختصر واكتب عساك لي ذخر ياأغلى انسان=عساني ماانحرم منّك ولا نحيا بصدى حرمان بعد ماانهيت أنا شعري سلامي لك من الوجدان=ترى يابوي غلاك يدوم مهما فرّقتنا أزمان
