همي الممحل

يا صباح الخير يالوجه الصبوح
كل ما شفتك ضما قلبي روا
الجفى ليلٍ بهيمٍ دون ضوح
والوصل صبحٍ ل طلتك أنتوا
لا تقفي وأنت خابرني نصوح
في الوصل والبعد يا خلي غوا
والله إني كل ما أنويت النزوح
همي الممحل على جاشي نوا
في صدودك صاح قلبي لا تروح
والله إن الموت وإصدودك سوا
وأنت فيني يا عنا المشتاق روح
والجسد من دون روحه ما قوا
يا سفينة من نجا من قوم نوح
ذيب طوفانك على جاشي عوا
بسألك باللي جعل للعبد لوح
وما جرى للعبد في لوحه حوا
جاوب اللي ما شهد منك وضوح
جاوبه بالي تحسه من جوا