مرثية / عبدالله بن نايف بن عون في رثاء الأمير نايف بن عبدالعزيز رحمه الله. حارت سبور الدمع في محجر العين حتى تحمل بالدموع الذروفه وهلت هماليله على اربع وثنتين مثل الغشين اللي هبوبه جعوفه وجضيت من عقب استماع النبا الشين ومما دهى عزمي لحقني كلوفه يا عين من كثر البكا لا تملين ترا سحاب الحزن هلت قنوفه هلي على فرقا فقيد الملايين اللي على الأمة وفاته حسوفه درع الامان اللي يصد المعادين لو تذرف الدمعة عليه مخلوفه يالعدل زارك في مسا ليل الاثنين عدل عليك يزود بالعدل نوفه زارك بعد صلوا عليه المصلين فالموقع إلي كل مسلم يطوفه نايف حريب الحيف مسند هل الدين جال يلوذ الملتجي في لجوفه هو درعنا الواقي على العسر واللين مواقفه عند الجميع معروفه دمث الجناب اللي لفعله براهين الشعب كله غامرة بمعروفه هش بشاش جنبه للعرب زين منه المواطن ما ينوشه حفوفه واثقل على العاصين من ضلع ابنانين ويروف باللي يستحق المروفه وعنده على بعد النظر زود تميكن يشوف شيء كلنا ما نشوفه وان جاه مضهود بحمل من الدين يرجع حمول الكود عنه محذوفه وان جاه من يشكي من الظلم والبين ظلمه يزول ليا شرح له ظروفه شيخ قضى في خدمة الشعب ستين حام حدوده عن سباع تحوفه واقفا عن الدنيا ربيع المقلين بضيافة اللي ما يخيب ضيوفه عسى مقره بين خضر البساتين في روضة بالمكرمات محفوفه يكنف على قبره ورود ورياحين وحدائق خضر على مد شوفه وحنا بما جانا من الرب راضين حيث القدر ما تنتصارع صدوفه يا ناصر الانصار في بدر وحنين تجعل مفارقة الفقيد مخلوفه باخوانه اللي للخلف مستعدين تهوم هوماته وتاقف وقوفه وعياله اللي مع مماشيه ماشين كل السيوف الاربعة هي سيوفه
