عرس المملكة

أشرقت شمس الشموس واعتلى النصر الثمين
ولا إله إلا الله اللي دايم(ن) نسعى لها
اليوم عرس المملكة تاريخ سطر للسنين
يوم توحيد الوطن في عز حكم رجالها
ما غبت يا عبدالعزيز عن سنا المجد المبين
لولاك لاصبحنا شعوب(ن) لو تموت أشوى لها
انتصر صقر الجزيرة وطاح كيد الكايدين
وأشرقت شمس العدالة من سيوف أبطالها
دام عزك يا وطنا بحق وإثبات ويقين
وراية التوحيد ترقى فوق روس أجيالها
مهبط الوحي المقدس مولد الهادي الأمين
أمة(ن) أقبل محمد بالهدى بشرى لها
جاء بالإسلام دين واعتلى عن كل دين
والبيوت المظلمة ما باقي الا أطلالها
منزل القرآن مكة قبلة (ن) للمسلمين
في ظل عبدالله سندنا قايد(ن) يبقى لها
يا رب تحمي هالوطن وتنصر ملكنا كل حين
الكريم اللي عطانا الحسنة عشر امثالها
سيدي سلطان شوفك يسعد القلب الحزين
كل ناس(ن) تعتزي به بالسعد غنى لها
القمر والشمس دايم في السماء متقابلين
الملك وولي عهده ظلها وظلالها
واليوم نايف نايب(ن) ثاني على ذاك العرين
والوكور العاليات صقرها يرقى لها
كل حساد(ن) تبينا ما لهم من ناصرين
دامنا بنوحد الله ربنا اللي قالها
اليوم عرسك يالوطن يبقى على مر السنين
يوم توحيد الوطن في عز حكم رجالها
ياسر حامد آل ساعد الغامدي