لجل الغلا

لبى الوجع لاصار بيدك ضماده
يامن ليا من مر حدر النظر طبت
لبى حلوم(ن) سامرتها الوساده
سريت معها للمنايا ولا تبت
لجل الغلا صرخة طفل في مهاده
محتاج له ضمه ومحتاج له ربت
يجن به جفن(ن) مفارق رقاده
ويميل له رمش(ن) مع اغفايته ذبت
ياحرف شعري عل دمي وناده
لاناحت الورقا على نامي النبت
دوك الخلايا كلبوها مداده
وطن مهو باية وطن موطنه خبت
شرد الهجوس تورده للسعاده
يروي عطش ظاهر غرامه عن الكبت
اعيش به واتنفسه من وداده
ويعيش بي مثل الهدايا ليا غبت
اسير منفى والحنايا بلاده
ساكن ورى ضلعي وانا دونه انصبت
لا اقبل سديم الليل واضفى هجاده
من خمرة الحنا لشوفه تخضبت
جيته وفي كفي دفاي وبراده
واضحيت لا وديت كفي ولا جبت
ماغير سرب اطيور يجمع حصاده
من شعري اللي من جفا حرفه اجدبت
لقيت شوفه للمواجع ضماده
انا كذا لا مر حدر النظر طبت
رنين الذهب