القلوب الوفية

من لا يقدر طيبة القلب ما أبيه
حتى ولو كان أقرب الناس ليه
كم واحد (ن) حاولت أنا لجل أراضيه
ما شفت منه إلا الجفا والأذيه
آقف بجنبه ما تركته وأسليه
وأشيل همه بين روحه وجيه
ومن زود طيبي أنثر الدمع وأخفيه
خايف من العربان تشره عليه
يا كيف ينساني وأنا اللي مخاويه
ما اخطيت في حقه بكلمة رديه
وأكبر دليل أني على الروح أبديه
لا وا خسارة يالقلوب الوفيه
هذي نهاية من توده وتغليه
خطية (ن) يا كبرها من خطيه
ابعتبر مما جرالي وأجازيه
وأصد عنه الين يعرف خويه