صقر العروبة

الكل ينطر رجعتك ومتحريك
في غيبتك يا بوي يا طول الأيام
يامر ساعاته على شعب يرجيك
كل يوم صار بغيبتك ينحسب عام
وحنا برجوى الله يردك ويشفيك
شعبك يا بو متعب غدى مثل الايتام
يبكي غيابك يا عسى الرب يحميك
والدار ظلمى وزادها شوق وهيام
في كل لحظة من غيابك تناديك
طالت علينا غيبتك يا بن الاكرام
يا تجي والا نأخذ الدار ونجيك
والله يا بومتعب بحبك فلا نلام
وانت الذي بالكون محد يساويك
فرضت حبك في قلوب البشر عام
وشلووون حنا ما نحبك ونغليك
وحنا عيالك وانت من حقق أحلام
شعب زرع كل الأمل والثقة فيك
يا جعلنا فدوتك يا صقر الإسلام
تكفي يبه لا تطول الله يخليك
يكفي بحسبتنا تلاعب هالاوهام
وما ندري اشلونك ووش صاير فيك
تنااام والا تسهرك حيل الآلام
مخلص معك دكتورك اللي يداويك
ليتك هنا يا سيدي يا ابن الإمام
برواحنا والله يا بوي نفديك
ونضمد جراحك ونسهر ولا نام
حتى يمن الله عليك ويعافيك
ونفرح معك لا قلت أنا بخير ما دام
أنتم بخير ونحتفل كلنا فيك
الليفي بن عبيد الشمري